Return to site

35E「波波姐」Dry足兩年 莊端兒 唔排除同Fans拍拖

林敏驄(大師)處男執導的賀歲電影《如珠如寶》衝破千萬票房,情人節當晚聯同35E「波波姐」莊端兒兵分兩路去將軍澳、奧海城、九龍灣等戲院謝票,又抽出幸運粉絲在走場期間撐枱腳食甜品。大師被安排和中女三姐妹對食雪糕;莊端兒則同四眼肥宅男食cake「談心」。其間「波波姐」放晒電又送上手造曲奇,O氹到男fans面紅話:「甜到暈!」 採訪:方騫平

莊端兒的「甜蜜聚會」在快餐店內匆匆進行,男粉絲Aaron 24歲從事酒店,剛加入影迷會年幾。兩人爭取廿分鐘「談心」兼互送小禮物,最搞笑係期間有另一個男fans上前同莊端兒「集郵」,Aaron即扁嘴唔多like。
揀男友唔煙唔花弗
莊端兒自爆以前親手做過朱古力比前度張致恆,惜男方劈腿玩完。自此,莊端兒dry足兩年多,唯有寄情工作。雖然有人追但唔啱,她說:「搵個好男人唔易,先決條件唔食煙,因為我氣管嚴重敏感,同埋唔可以花弗。(接受同男fans拍拖?)隨緣啦,我冇階級觀念,但一定要溝通到。」「波波姐」戲中大晒導彈身材,莊端兒坦言謝票時好多男fans追問「點解唔性感現身?」Aaron即食咗誠實豆沙包話:「佢身材好係吸引之一,加埋佢個人好nice。」
另外,林導演則同三中女在雪糕店「約會」,當問到同三女共度情人節係咪好開心時?大師笑住避談說:「話時話你唔好錄影喎,機都打爆你呀!」至於票房過千萬會唔會搞慶功宴及分紅比演員?他就自誇說:「兵家常事唔值得慶祝。」

All Posts
×

Almost done…

We just sent you an email. Please click the link in the email to confirm your subscription!

OK