Return to site

【澳門出世】73歲葉振棠開心返家鄉開個唱 堅持唔好唞

葉振棠、莊端兒、歐陽海璇及傅晉杰等今日齊集尖沙嘴,宣佈棠哥嚟緊11月喺澳門舉行三埸慈善演唱會,籌得善款將捐助澳門同汕尾等地長者。

棠哥表示,今次大會邀請咗不少嘉賓同佢作新嘗試合唱,身為澳門仔嘅棠哥好開心今次返到當地演出,兼且可以唱一啲平時少有機會唱嘅歌。問棠哥經常騷接騷,會否安排時間放假?佢話:「唔好唞,我好享受舞台演出,做人要有目標,暫時演出排到出年。」

莊端兒笑言終於衝出香港,今次到澳門演出心情緊張,暫定唱兩至三首歌。有冇飲歌傍身?佢話:「係老歌嚟㗎,《只有情永在》。」原來莊端兒一直都有跟老師學唱歌,希望獲得賞識。咁出碟呢?「我都希望㗎,我以田蕊妮為目標,佢唱歌好好聽,希望自己可以喺40歲前出到碟。」估唔到咁都把握到機會冧老闆娘。

All Posts
×

Almost done…

We just sent you an email. Please click the link in the email to confirm your subscription!

OK