Return to site

【如珠如寶】被林敏驄連番整蠱 莊端兒:要我狂跳百幾次

莊端兒出席尖沙咀舉行的《葉振棠友誼萬歲慈善演唱會》發佈會。慈善演唱會將於11月9至11日假澳門隆重舉行,莊端兒首次參與演唱,心情緊張又興奮:「今次演唱會有三場,我只係演出其中一場,好多謝阿棠哥邀請我,可以話係衝出香港,哈哈,今次演唱會主要係唱懷舊歌,自己本身都有搵唱歌老師學唱歌,所以對於我嚟講都冇太大問題。」

莊端兒在賀歲片《如珠如寶》中,飾演扑扑姐一角,經常被導演林敏驄借機整蠱。端兒笑言話:「有一場戲佢要我着住件冇吊帶嘅泳衣,仲要吩咐服裝姐姐改細,件泳衣細咗成個碼,迫爆咁滯,又要我喺浴缸度係咁跳,當時好多人圍住一齊睇,跳咗成百幾次,我就同佢講,件泳衣係唔會跌落嚟,就算跌落嚟都會冇嘢睇,因為我貼晒乳貼,之後佢仲要我浸喺浴缸度,前後浸咗成4個半鐘,啲皮膚皺晒皮,真係冇人性。」

All Posts
×

Almost done…

We just sent you an email. Please click the link in the email to confirm your subscription!

OK